اتحدى الناس******

اتحدى الناس **لو قدروا الناس***ياخدوك منى
واتحدى الناس**لو يوم الناس ***بعدوك عنى
لو طلبوا عنيه ياخدوها*****صورتك فيها******رمز لحبك
لو خطفوا روحى****وجرحوها ح يلاقوا فيها **صورة حبك
لو حبسوا الكلمة**وقتلوها *يسمعوا فيها***انى بحبك
وتقوللى خايف من الناس ياخدوك منى
اتحدى الناس
مين يقدر ياخد م الوردة*****احلى ريحانها
مين يقدر يخطف م الايام ***عمر زمانها
مين يقدر ياخد م الغنوة***صوت الحانها
مين يقدر ياخد م الدمعة****معنى اشجانها
انا وانت وردة وريحان*****انا وانت ايام وزمان
انا وانت غنوة والحان****انا وانت دمعة واشجان
وتقوللى خايف م الناس ياخدوك منى
اتحدى الناس
اقولك ايه*****لو قالوا ح يقولوا الناس انى بحبك
وفيها ايه****لو قلبى خبط على بابك ودخل قلبك
خايف من ايه***لو خفت ح تبص تلاقى حبيبك جنبك
لا احنا اول ناس بتحب****ولا احنا اخر ناس ح تحب
ولا احنا بس اللى قالوا عنا***واتحدونا عشان بنحب
هو ده طبع الناس فى الحب***تجرح اى حبيب بيحب
لا بيفهموا ايه معنى الحب***ولا يرحموا عشاق بتحب
واللى ما يسمع دقة قلبه****يعرف انى برئ فى الحب
وتقوللى خايف م الناس ياخدزك منى
اتحدى الناس
وان يوم لقينا ان كلامهم ح يلوعنا***والحب بيهرب وننادى ما يسمعنا
ولسانهم خلى ان زماننا فى يوم يخدعنا
نهرب بقلوبنا قبل الفرحة ما تودعنا
ونعيش فى جزيرة هوى بين الشطين***لافيها جرح ولا جراح ولا دمعة عين
لارحنا فين ولا جينا منين ولا احنا مين***وانسج لك من مية عينى احلى الفساتين
من موج البحر ازوق لك تللى وعقدين
مع صوت الموج اغنى لك غنوة عروسين
مع ندى الفجر ح نكتب عقد الحبيبين
مش بس فى دفتر ماذون*لا*ع الشطين
وساعتها ما تخاف م الناس ياخدوك منى
اتحدى الناس لو يوم الناس بعدوك عنى