سرقتنى

سرقتنى وسكت لك ****مااعرفشى ليه؟
سرقت قلبى فرحت لك ***وقسيت عليه
سرقت عمرى وعشت لك ***وهجرت ليه؟
سرقت دمى من عروقى ******* سرقت احساسى وشوقى
سرقت دمعى من عيونى ********سرقت غروبى وشروقى
سرقت كل كلمة من لسانى *******سرقت عنوانى وكيانى
جردتنى من كل شئ *******حتى حياتى ومكانى
شهادة ميلادى سرقتها ******وكل بياناتى غيرتها
بقى ميلادى هو ميلادك******وايامك اللى انا عشتها
عيونى ماتشوف الا بيك *******وقلبى مايخاف الا عليك
وحواسى ماتحس الا بيك*******وانفاسى طالعة نازلة ليك
وقلت ماشى ماانت حبيبى ****عارف يعنى ايه انت حبيبى
يعنى فلبى فاض بحبك ******وبقيت انت قدرى ونصيبى
لكن برغم كل ده *******مازلت قاصد تلوعنى
احوم حواليك زى فراشة *****لكن بنارك تلسعنى
سبتك تسرقنى فى سعادة *****وقلت ف يوم ح تدلعنى
لكن فى جهنم رمتنى ****وبنار البعد تولعنى
بقى ده جزائى انى بحبك *****تحبسنى فى حيطانى وديرى
لو لفيت الدنيا بحالها ******مش ح تلاقى يحبك غيرى
دنيا عجيبة دنيا غريبة *******بتغير فى خطوطى وسيرى
انا اموت واحبك انت ********وانت تموت وتحب فى غيرى
وعجبى