سهل جدا انك انت ترمى هوايا ****سهل جدا انك انت تزعل معايا
سهل جدا تجرح الدمعة فى عينيه ****سهل جدا انك تحرمنى هنايا
انا عارف كل ده علشان مش بتحبنى
من يوم ماعرفتك وانا ***مخلى حنانى لدنيتك
من يوم ما عرفتك وانا ***لسانى بينطق كلمتك
وغيرت كتير فى جوارحى****علشان تكون فى خدمتك
ونسجت من خيط الهوى***نسمة هوى تجرى وتحكى برقتك
ومشيت فى كل طريق***يمكن يوصلنى سكتك
وعيونى اللى مافارقت ***دموعى برضه عشقتك
وحاجات كتير اتغيرت***واشياء كتير اتبدلت**وجوارح كتير اتبهدلت
كل ده وانا عارف انك***مستحيل تحبنى
عمرك ما سالت عليا*** من غير مااسال عليك
وان رديت ترد بكلمة***واحدة هربانة من ايديك
حتى الكلمة بتبخل بيها***للدرجة دى القسوة فيك
فين ح تلاقى قلب يحبك**من غير ما يفكر يغدر بيك
فين ح تلاقى طوفان الحب***اللى ح يربط دنيتى بيك
فين ح تلاقى حب نضيف***فى دنيا الكل ينافق ليك
فين ح تلاقى شخص يحبك***من غير مايكون طمعان فيك
كل الحب اللى انا احكيه ***كل الجرح اللى انا اداويه
وانا عارف انك مستحيل تحبنى
انا طالب انك تخدعنى**** انا اللى با اقولك اخدعنى
عيشنى فى وهم العشاق***دوبنى فى وهم الاشواق
حبنى ولو بخسارة***تكسب حسنة من الخلاق
تعالى على قلبك حبة***حاول تكتب لى وترضينى
انا عارف انها مش سهلة***لكن تعبك ده على عينى
اخدعنى وماتزعل منى*****ولاتهجرنى*****وتبعد عنى
وان غضبت***اهدا وفكر*** يمكن ترضى فى يوم تلازمنى
ما حدش يعرف ايه مكتوب
ولامين غالب ولا مغلوب
قلوبنا كلنا بايده هو
وهو اللى يغير القلوب
ليست هناك تعليقات:
إرسال تعليق